FSHF-it në bashkepunim me Zyrat e zbulimit të talentëve, organizon në Tiranë një grumbullim për përzgjedhjen e kandidateve të ardhshëm, për t'u bashkuar me ekipin kuqezi.
Më të mirët që do të shkelqejnë në këtë grumbullim, por dhe duke pare ecurine e tyre në vazhdim, do të jenë pjesë e ekipeve zinxhir të kombetares kuqezi.

Datat e grumbullimeve të talenteve do të jenë:

1. Ne datat 13-18 shkurt 2012 zhvillohet ne Tirane seleksionimi per datelindjet 1996.


2. Ne datat 21-22-23 shkurt 2012 zhvillohet ne Tirane seleksionimi per datelindjet 1994.

Per informacion me te detajuar mund te kontaktoni ne www.talentet.com ne rubriken''KONTAKT''.
Perzhgjedhja do te behet nga disa trajnere dhe specialiste , por shume e rendesishme eshte dhe aktivizimi i talenteve ne klubet përkatese,ku ata militojne.

Me respekt Stafi Zbulimit te Talenteve Gjermani.

Kuqezinjtë “e vegjël” janë akomoduar në “Tropikal”, ku do të qëndrojnë deri më 21 janar nën urdhrat e trajnerit Mustedanagiç

24 është numri i futbollistëve nën moshën 17 vjeç të përfshirë në listën paraprake të FSHF-së për grumbullimin e nisur dje dhe që do të zgjatë 17 ditë. Xhemal Mustedanagiç, përveçse do të punojë fort me lojtarët e formacionit bazë, do të vëzhgojë me shumë kujdes disa elementë të rinj, të ardhur nga kampionatet europiane, të cilët mund ta ndihmojnë Shqipërinë U-17 në Raundin Elitë (gjatë grumbullimit do të vëzhgohen edhe futbollistë të tjerë që nuk janë në këtë listë). (Lexo më tutje)

Tani është zyrtare. Gianni De Biasi do të marrë drejtimin e kombëtares së Shqipërisë. Konfirmimi ka ardhur nga Federata Shqiptare e Futbollit vetëm pak minuta pasi tekniku italian dhe presidenti Armand Duka kanë mbyllur marrëveshjen me firmën në kontratën e re mesditën e së mërkurës. Sipas FSHF-së, De Biasi ka nënshkruar një kontratë 2-vjeçare, nga e cila do të përfitojë 200 mijë euro në vit, ndërsa do të vijë të hënën në Tiranë, ku dhe do të bëjë prezantimin zyrtar si trajneri i ri i përfaqësues kuqezi. Tekniku italian do të zëvendësojë në pankinë, Josip Kuzhe, që u shkarkua nga detyra pas dështimit në eliminatoret e Euro 2012. Që nga largimi i kroatit, shumë emra të tjerë janë afruar pranë skuadrës shqiptare, ndërsa më në fund Duka ka vendosur t’ia besojë atë shkollës italiane të futbollit, duke zgjedhur Gianni De Biasi. Ky i fundit mundi rivalitetin e patriotëve të tij Mario Berreta dhe Benito Carbone, të tjerë kandidatë për t?u ulur në pankinën e kombëtares së Shqipërisë. (Lexo më tutje)

Është tifoz i Juventusit dhe ka një idhull bardhezi: Klaudio Markizion. Elvis Kabashi, mesfushori shqiptar i Empolit, ka komentuar zërat që qarkullojnë në Itali, se karriera e tij mund të vazhdojë në radhët e “Zonjës së Vjetër”.
17-vjeçari nuk e fsheh dëshirën që t’i bashkohet gjigandëve italianë, të cilët janë të gatshëm të investojnë 2 milionë euro për gjysmën e kartonit të talentit.
“Kam folur me menaxherin tim rreth këtyre zërave, tha Kabashi, megjithatë asgjë nuk është e sigurt. Natyrisht që kur përflitesh për interesimin nga një skuadër si Juventusi të bëhet qejfi, është diçka e bukur. Unë jam një mesfushor modern, që vrapoj, me teknikë dhe goditje të mirë. (Lexo më tutje)

Pauza e kampionatit në të gjitha ligat europiane shërben për të bërë një bilanc për futbollistët e Kombëtares shqiptare. Gjysma e parë e këtij sezoni ka qenë jo e kënaqshme për yjet kuqezinj, që nuk kanë qenë protagonistë në skuadrat e tyre, duke u cilësuar më tepër si zgjedhje dytësore dhe janë detyruar të qëndrojnë gjatë në stol.
Në Itali, momente të vështira po përjeton edhe Erjon Bogdani. 476 minuta të luajtura për Çezenën në 13 ndeshje, ku në 10 raste është aktivizuar nga stoli kanë krijuar një situatë të pakëndshme për sulmuesin. 34-vjeçari, i cili ende nuk e ka shijuar golin në këtë sezon, nuk e ka përjashtuar mundësinë e largimit, ndërsa për shërbimet e tij interesohen disa skuadra, mes të cilave, Vareze, Modena e së fundmi Breshia (Lexo më tutje)

Në vitin e 100-vjetorit të pavarësisë, Aleanca Kuq e Zi ka ndërmarrë një nismë të re, kësaj here në fushën e sportit.

Nisma “Një komb, një kampionat” ka për qëllim bashkimin e kampionateve të futbollit të Shqipërisë dhe Kosovës. Kjo,sipas Aleancës, duhet paraprirë nga një Kuvend i dy federatave, që duhet të dalin me një marrëveshje dhe strategji të përbashkët.

“Marrëveshja dhe strategjia të kenë si synim realizimin brenda 100-vjetorit të pavarësisë të objektivit “Një komb, një kampionat”, duke përfshirë në një konkurrim të përbashkët të përfaqësive të futbollit të të gjithë qyteteve në Shqipëri dhe Kosovë; (Lexo më tutje)

Blerja më e re e skuadrës zvicerane të Luzernit do të jetë Gëzim Shala. Ai do të nënshkruajë një kontratë për deri në fund të sezonit, me opsion rinovimi edhe për dy vjet të tjerë.
Te skuadra zvicerane aktivizohen edhe tre lojtarë të tjerë shqiptarë, Burim Kukeli, Jahmir Hyka dhe Hekuran Kryeziu, transmeton gazeta Shqip.
“Në fillim të janarit do të nënshkruaj me Luzernin. Kontrata fillimisht do të jetë për gjashtë muaj, por me mundësi vazhdimi edhe për dy vjet të ardhshëm”, u shpreh futbollisti kosovar.
Ai e ka nisur karrierën me skuadrën e kategorisë inferiore të Zvicrës, Dudingen, dhe synon që te skuadra e re të zë vend si titullar e të luajë sa më shumë të jetë e mundur. “Jam shumë i lumtur se aty do të kem edhe bashkëlojtarë të tjerë shqiptarë. Burim Kukelin e njoh mirë. Është futbollist dhe person i mrekullueshëm, ndërsa Hykën nuk e njoh ende. Luzernin e kam zgjedhur pasi te ky klub shpresoj se do të kem perspektivë më të mirë për të bëj hapa përpara në karrierën time”, theksoi 21-vjeçari. (Lexo më tutje)

Skuadra italiane e Serie A, Palermo, të martën ka zyrtarizuar transferimin e sulmuesit kosovar Agon Mehmeti, njofton "ansa.it". Mehmeti së fundi luajti për skuadrën e elitës së futbollit të Suedisë, Malmo. Ai me Palermon ka nënshkruar kontratë deri në vitin 2016. "Palermo e ka bërë zyrtare blerjen e Mehmetit", shkruan "ansa.it". Mehmeti 22-vjeçar pritet të debutojë në fundjavë kundër Napolit në kuadër të javës së 17-të të elitës së futbollit italian. Sulmuesi nga Podujeva prej vitit 2008 ishte pjesë e Malmos. Ai me fanellën e ekipit suedez shënoi 23 gola në 88 paraqitje, derisa është edhe pjesë e Përfaqësueses Shpresa (U21) të Suedisë, ku në 8 ndeshje ka shënuar dy gola