Talenti shqiptar nga Maqedonia, Pajtim Kasami po bën bujë me transferimin e tij tek skuadra e Palermos.
Me pasaportë zviceriane, lojtari 18 vjecar me kombësi shqiptare cilësohet si e ardhmja e skuadrës siciliane, duke u krahasuar madje edhe me argjentinasin Pastore e danezin Kjaer.
“Nëse Kasami është këtu, i detyrohem shumë drejtorit sportiv që e hoqi nga gjurmët e Lazio-s”, shprehet presidenti Zamparini. Mesfushori i shpresave të Zvicrës ka pasur një eksperiencë me të rinjtë e Liverpool dhe zvicerianët e Bellinzona.




(Lexo më tutje)

Klubi i Serisë B ka arritur të bindë Palermon për të mbajtur “gardianin”
Samir Ujkani do të vazhdojë aventurën te Novara. Portieri i Kombëtares shqiptare ishte një prej elementëve më të spikatur të klubit piemontez gjatë sezonit të kaluar dhe një prej heronjve që e rikthyen skuadrën në Serinë B pas 33 vjetësh mungesë. Pas bisedimeve me drejtuesit e Palermos, klubit që ka në pronësi kartonin e “gardianit” 22-vjeçar, Novara arriti të siguronte edhe për një sezon shërbimet e Ujkanit. Në fakt, në akordin mes dy klubeve italiane ka ndikuar edhe vullneti i lojtarit kuqezi, i cili ka preferuar të ketë një rol protagonisti në Serinë B. (Lexo më tutje)

Nëse i quajnë “Mesi” apo “Ronaldo i ardhshëm”, të rinjtë anë e mbanë botës nuk kanë vetëm aftësi të pabesueshme në atë moshë të njomë, por zotërojnë potencialin e frikshëm për t’u bërë futbollistë të klasit botëror. Të lakmuar nga kaq shumë klube, kaq herët në karrierën e tyre, ata duhet të vendosin se ku do të shkojnë. (Lexo më tutje)

Lorik Cana ka filluar stërvitjen me Gallatasarain, por më tepër sesa për paraqitjet në ndeshjet miqësore, mesfushori shqiptar është vënë në qendër të vëmendjes për numrin e fanellës. 27-vjeçari kuqezi kërkon të mbajë numrin 19, me të cilin ka luajtur te PSG, Olimpik Marseja, e së fundmi edhe te Sandërlendi në Premiership. Por, momentalisht ky numër i përket idhullit të tifozëve të skuadrës nga Stambolli, Herri Kjuëll, lojtarit të përfaqësueses australiane dhe ish-lojtar i Liverpulit. Cana po shqyrton të gjitha mundësitë, madje duke komunikuar edhe me drejtuesit e Gallatasarait, për të pasur në shpinë 19-ën. “Isha 19-vjeç kur luajta ndeshjen e parë si profesionist me PSG-në dhe gjithmonë kam mbajtur këtë numër”, shpjegoi Cana. “Për më tepër kam edhe arsye fetare, pasi numri 19 cilësohet si mrekullia matematike e Kur’an-it në përdorimin e fjalës ‘Zot’. Kjo figurë ka shumë rëndësi për mua, e prandaj nuk dua ta ndryshoj”.

Pas finales së Kupës së Botës, Spanjë – Holandë 1-0, FIFA ka dhënë edhe çmimet për lojtarët më të mirë të botërorit.

Sulmuesi i Uruguajit Diego Forlan ka marrë Topin e Artë si futbollisti më i mirë i turneut, ndërsa Këpuca e Artë i shkoi gjermanit Tomas Myler, që përveç 5 golave, ka dhënë edhe 3 asiste.

Diego Forlan, sulmuesi i Uruguajit, është zgjedhur si futbollisti më i mirë i Botërorit të Afrikës së Jugut. Sulmuesi i Uruguajit, autor i 5 golave në këtë Kupë Bote, ka lënë pas në renditje holandezin Uesli Shnajder, që u shpall Topi i Argjendtë, si edhe spanjollin David Vija. Forlan ka shënuar 5 gola këtë Botëror, duke udhëhequr skuadrën e tij drejt gjysmëfinales. (Lexo më tutje)

Superliga Shqiptare ka njohur ndeshjet e para për sezonin e ri që do të startojë me 21 Gusht.

Kampionia në fuqi, Dinamo do të nisë mbrojtjen e titulli me Flamurtarin, ndërkohë që dy prurjet e reja nga Kategoria e Parë, Bylisi dhe Elbasani do të kenë që në javën e parë përballë të vështira. Ballshiotët do të luajnë në “Loro Borici” përballë Vllaznisë, ndërsa Elbasani do të presë Tiranën, skuadër kjo që kaloi turin e parë eliminator në Europa League.
Këtë vit shorti për Kampionatin e 72-të Kombëtar u hodh nga sulmuesi i Kombëtares, Erjon Bogdani, i ndihmuar nga shefi i sektorit të garave, Ilir Shulku. Sipas shortit, derbi i kryqytetit Tirana-Dinamo do të zhvillohet në javën e 7-të, dhe në javën e 18-të me Dinamon si organizatore të takimit.

(Lexo më tutje)

Shqipëria u ngjit me 8 pozicione në renditjen botërore mujore të FIFA-s, të publikuar sot në faqen zyrtare (fifa.com), duke u pozicionuar tani në vendin e 71-të nga vendi i 79-të që ishte në klasifikimin paraardhës (26 maj).

Përfaqësuesja e Shqipërisë ka grumbulluar 49 pikë në renditjen e muajit maj, pas 2 fitoreve me rezultatin 1-0, në takimet miqësore ndaj Malit të Zi në Podgoricë në 25 maj dhe ndaj Andorrës në Tiranë në 2 qershor.

Tashmë Shqipëria ndodhet me 455 pikë mes Ugandës (70) dhe Malit të Zi (71) dhe pozicionimi më i mire këtë muaj vjen falë uljes së vendeve të tjera.
Në renditjen specifike të UEFA-s, Shqipëria ndodhet në vendin e 37-të midis 53 ekipeve kombëtare që aderojnë në konfederatën kontinentale, duke fituar 2 pozicione në renditje. (Lexo më tutje)

Basha-Çani pritet të grumbullohen nga Josip Kuzhe për miqësoren me Uzbekistanin, më 11 gusht.
Përfaqësuesja e Shqipërisë së shpejti do të ketë shërbimet e Migjen Bashës, mesfushorit me origjinë kosovare, që sezonin që sapo u mbyll është aktivizuar me Frozinonen në kampionatin italian. Federata Shqiptare e Futbollit ka përgatitur të gjithë dokumentacionin e nevojshëm për ta pajisur me pasaportë shqiptare.
Procedurat thuajse kanë përfunduar dhe mbetet vetëm “firma” e Presidentit të Republikës, Bamir Topi, që Migjen Bashës t’i jepet në dorë pasaporta biometrike. Besnik Çela, zyrtari i FSHF-së i ngarkuar për ndjekjen e procedurave të rastit, ka pohuar se tashmë dokumentacioni i plotë me të dhënat e futbollistit në fjalë është në presidencë, për të marrë “firmën” e fundit nga Presidenti Topi. (Lexo më tutje)